一屋7部冷氣政制及內地事務局局長林瑞麟唔環保

政壇：一屋7部冷氣林公公唔環保
2011年09月21日(三)
The Sun


香港人環唔環保？日前有團體根據港人歎冷氣嘅時間同家庭交電費嚟推算，發覺好多香港人好唔環保！話口未完，政制及內地事務局局長林瑞麟已經畀人篤爆，佢位於舂坎角寓所安裝咗七部冷氣咁多，話佢係唔環保嘅香港「人辦」，都冇錯嘅！


市民眼冤投訴


早前先畀人踢爆喺寓所僭建天台圍欄同帳篷嘅林公公，今次又被踢爆家居唔環保。尋日，有市民打電話去電台節目，大爆林公公屋企安裝咗多部冷氣，斥責呢種行為好唔環保。呢位市民仲質問，林公公屋企到底有幾多人，為乜要安裝七部冷氣咁多？


http://easss.com/electronics


夏日炎炎，好多家庭都會開冷氣，但家中裝七部冷氣嘅富貴家庭就唔會好多，難怪有市民睇唔順眼，仲叫環境局局長邱騰華好心教育吓佢，期望啲高官做個好榜樣喎。不過，邱騰華有幾撐環保，真係冇人知噃，睇怕佢哋官官相衞嘅機會大過大家齊齊環保！


講到家庭安裝冷氣機，有專家就話，屋企裝幾多部冷氣唔重要，最緊要係有冇連冇人喺屋企都着晒啲冷氣機，同埋有冇使用能源效益較佳嘅機種。換言之，林公公屋企嘅冷氣機到底係乜嘢機種？佢年交幾多電費先係關鍵，不過，市民雖然喺大氣電波嗌不滿，但林公公都懶理，似唔願交代，我哋惟有希望佢踴躍參加團體搞嘅停開冷氣活動啦。


講開林公公唔環保，其他司局長都應小心檢視自己嘅家居，好似上次僭建風暴咁，費事畀人踢爆一邊做環保騷，一邊就講一套做一套，咁就好冇癮！